99 RICHTER

Oorsprong: Kruising tussen V berlandieri var Las Sorres en V rupestris var du Lot. 

Deur F Richter in Frankryk gedurende 1889 gemaak.

Spruitpunt: Webbig behaard; vaalgroenerig tot persrooi; half geslote; driehoekig.

Jong blare: Persrooi-kopergroen, webbig tot donsig.

Volwasse blare: Klein, niervormig; groen tot liggroen; bladsteelsinus besonder 

wydoop liervormig — herinner aan Rupestris du Lot; dunnerig tot matig dik; 

glad tot effens gebobbeld; tande konveks en wyd; nerwe by bladsteelaanhegting 

persrooi; bladstele donker persrooi met kort, los, wollerige hare.

Blomme: Morfologies hermafrodiet, fisiologies manlik; enkele klein, swart korrels 

in hoogs uitsonderlike gevalle op baie sterk-groeiende stokke gedra.

Somerlote: Sterk geriffeld; naak; persgekleurde nodiums by die basis.

Winterlote: Geriffeld; baie lig donserig by die nodiums; gryserig bruin met 

longitudinale donkerbruin strepe; lang internodiums met nie-prominente nodiums.

Verbouing: ‘n Sterk-groelende onderstok wat met sukses in warmer wynboulande 

soos Portugal. Griekeland en Suid-Frankryk verbou word. Goed bestand teen 

kalk (17 % aktiewe kalk); matig bestand teen brak; baie goed bestand teen 

filloksera; matig tot goed bestand teen aalwurms; swak bestand teen nat; 

baie vatbaar vir Phytophthora wortelverrotting: redehik goed droogtebestand; 

baie goeie entbaarheid met bank- sowel as lugenting; uitstaande affiniteit met 

V vinifera; plantlote wortel baie maklik; goed aangepas op diep, goedgedreineerde 

gronde wat goed met vog voorsien is.