Ramsey

Oorsprong: Geselekteer deur T.V.Munson in Texas. Ramsey is moontlik ‘n 

natuurlike hybried tussen V. candicans and V. rupestris, en word soms 

verkeerdelik na verwys as Salt Creek. Die ware Salt Creek is ‘n seleksie 

van V. doaniana, ‘n naverwante spesie.

Spruitpunt: Half-oop, silwerwit, dikwels met karmosyn rande.

Jong blare: Witterig to blinkgroen; donsig tot naak.

Volwasse blare: Kleinerig tot gemiddelde grootte, sy-sinusse afwesig of 

swak ontwikkel, borselhare aan die onderkant, effens geplooi, blink en 

matig dik, tande kort en breed.

Blomme: Funksioneel vroulik.
Somerlote: Opvallend losserige hare kom veral op puntgedeeltes van lote voor.

Verbouing: ‘n Sterk-groeiende onderstok met baie goeie aalwurmbestandheid, 

baie goed droogtebestand weens ‘n diep wortelstelsel, goed bestand teen brak 

en kalk gronde, baie geskik vir gronde met lae vrugbaarheid en growwe tekstuur, 

nie geskik vir nat gronde, geskik vir warm tot baie warm areas waar hoë produksie 

vereis word vir die produksie van kommersiële wyne, ook geskik vir areas met hoë 

aalwurm populasies of wat vatbaar is vir droogte of brak, vertraag rypwording, 

het hoër kaluim opname en swakker kleur by rooi variëteite op hoë potensiaal 

gronde in alle areas.